PCSP Technical Advisory No.005
Series of 2020

PAGBANGON GIKAN SA ASF
PASAW o LAMAW

 

Ang pasaw o lamaw maoy nabantug nga nagpasulod sa ASF sa Pilipinas. Ang unang kaso sa probinsya sa Rizal, gidudahan nga ang hinungdan mao ang paghatag sa mga salin-salin nga pagkaon gikan sa mga hotel, restawran, ug eroplano ngadto sa mga baboyan. Kini bisan pa sa paglungtad sa DA Memo 22, serye sa 2018. Ang bag-ong mga kaso sa mga babuyan gikataho usab nga tungod sa pagbahog ug pasaw o lamaw  ngadto sa mga baboy.

Ang pagpakaon ug pasaw o lamaw gipasabot nga ang pagpakaon sa mga salin nga mga pagkaon ngadto sa mga baboy. (GAHP for Swine).

Ang salin nga gikan sa karneng baboy mao ang problema. Kun ang usa ka mananap nga naigo ug sakit nga ginadili ang pag-ihaw – ang karne niini posible nga nagbaton ug virus nga giprotektahan sa organikong materyal sama sa dugo ug karne. Kun ang karne naabot sa kusina aron lutoon, dili igo ang kainit sa pagluto aron mamatay ang virus nga anaa sa karne tungod kay ang virus makaagwanta sa taas nga temperatura sa pagluto. Ang mga unod ug tambok sa baboy nga mga ginutad ug kasagaran ilabay o ipakaon sa mga binuhi nga mananap, mahimo pa nga adunay ASF virus nga makatakod pa kun kini mabahog sa mga binuhing baboy.

Kun ang pagpakaon sa pasaw o lamaw naila nga makahatag ug taas nga protina sa mga hayop sama sa baboy, aduna usab kiniy gidala nga peligro dulot sa mga kagaw nga maoy hinungdan sa mga sakit sa baboy (sama sa ASF, FMD, CSF, PRRS, ug uban pa) ug sa tawo, sama sa mga bakterya ug ubang kagaw nga makadaot sa atong pagkaon. Ang paghatag sa bahog nga adunay karne o hinugasan gikan sa karne sa baboy nga apektado sa ASF maoy usa ka hinungdan ngano nga magpabilin ang ASF sa usa ka lugar ug mahimo kining “endemic”. Aron malikayan kini nga panghitabo, kinahanglan undangon na ang pagbahog sa baboy ug mga pasaw o lamaw nga adunay hinugasan gikan sa kusina o mga salin-salin sa karne sa ubang baboy, ilabi na kun kini wala miagi ug pagluto.

Busa, gipagawas sa PCSP kini nga teknikal nga tambag aron paggiya sa industriya sa baboy:

  • Ang mga LGU Veterinarians magasuporta alang sa pagpatuman sa DA Memo 22 pinaagi sa pagpagawas sa Municipio/ Ciudad / Probinsya nga Ordinansa;
  • Mag-anad nga hinlo kanunay ang plato. Kaonon ang tanang karne, lakip ang tambok nga nabutang sa atong plato, aron malikayan ang pag-usik-usik sa pagkaon;
  • Paghimo ug treatment tubig nga basura sa mga kaso diin gigamit ang paghugas sa tubig aron malimpyohan ang mga salin sa karne gikan sa mga plato;
  • Pagluto sa pasaw o lamaw sa dili pa ipakaon sa baboy. Ang pasaw o lamaw initon sa temperatura nga 90oC sulod sa 60 minutos o 121oC sulod sa 10 minutos sa pressure. Kini maayo nga koordinado nga paningkamot sa komunidad; ug
  • Giawhag ang paggamit sa mga commercial feeds ug pagpalit gikan sa usa ka kasaligan nga supplier nga adunay quality control ug biosecurity system nga nakaplastar.

Giawhag namo ang pagsabot sa tanan samtang naningkamot kita nga makabangon ang industriya sa pagbababoy.

PCSP TAN 5 PASAW o LAMAW July 25